Amba Aradam
| Amba Aradam | |
|---|---|
| Stato/e |  Etiopia
|
| Autezza | 2756 m n.l.m. |
| Coordinate | 13°19′59″N 39°30′58″E |
| Mappa 'e localizzazione | |
  Amba Aradam | |
L'Amba Aradam è n'amba (rilievo montuoso) ca se trova ô Sud 'e Macallè, na cità ca sta a 100 chilometre 'a Nnord d''a capitale Addis Abeba (Etiopia), mmiezo 'a zona 'e Debra Behan. Chesta muntagna è canusciuta pe mmiezo 'e na battaglia ca 'e surdate taliane cumbattettero 'o 15 'e frevaro 1936 pe s''a piglià, secunno ll'ordine ca lle dette 'o Duca 'e Pistoia, e ppure pe na stragge ca facettero tre anne adoppo, pe vencere 'a resistenza 'e ll'etiope.
Chesta fuje una 'e ll'operazziune militari d''a battaglia 'e ll'Endertà quanno se cumbattete 'a guerra d'Etiopia.
'Int'ê jurnate d''o 9 e 11 'e abbrile 1939 ll'aviazione taliana s'addunaje ca ce steva na morra 'e partiggiane etiope c''o cumandante d''o muvimento etiope p''a libberazzione, Abebè Aregai. Ll'etiope s'annascunnettero 'int'a na rotta d''o monte Amezena Washa ('a rotta d''e rivuluzzionarie) ca steva 'int'ô monte Amba Aradan.
'Int'a 'sta morra 'e ggente ce stevano 'e partiggiane, ma pure 'e pariente lloro, ca le devano 'a che magnà e ca curavano chi steva ciaccato. Ce stevano pure femmène, viecchie e ccriature.
'O 9 'e abbrile 1939 'e Granatiere 'e Sardegna minajeno 'e bbombe d'arsina e d'iprite 'int'â rotta, p'accidere 'e partiggiane d'Aregai. Quinnece perzune se ne fujettero, cierte ate muretteno. 'O juorno adoppo ottuciento perzune s'arrennettero, e fujono accise 'e primma matina. Chelli pperzune ca s'erano annascunnute cchié areto 'int'â rotta fujono accise cu 'e lanciafiamme.
'E surdate taliane nun putevano trasì 'int'â grotta, pecché ce stevano nu cuofano 'e gallerie addó 'a ggente se ne fujeva pe nun se fa accidere. Accussí 'e cumandante d''e surdate taliane ordinajene 'e fà zumbà tutto cosa e n'aria:[1]
|
« Si prevede che fetore cadaveri et carogne impediscano portare at termine esplorazione
caverna che in questo sarà ostruita facendo brillare mine » |
(Telegramma del Governo Generale)
|
Infurmaziune sfizziose
- 'E fatte accadute 'nchesta località hann' rigginato 'o termine nnapulitano ambaradanne.
- A Roma nce sta na "Via Amba Aradam".
- A Roma ce sta eccome la Via dell'Amba Aradam" (ce sta la sede dell'INPS).
Nutarelle
- ↑ Paolo Rumiz, "Etiopia: quella strage fascista mai raccontata" 'int'o La Repubblica, 22 Maggio 2006.
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
